Баласын өлтірсе де әкім орынбасарына кешірім берді
Көлікті мас күйінде отырып, 19 жастағы бозбаланың өмірін қиған Риддер әкімінің орынбасары Бауыржан Құрманбаевқа қатысты алғашқы сот отырысы басталмай жатып өзгелерді аң-таң етті.
Бұл туралы КТК арнасы хабарлайды.
15-ші сәуірі күні адам қағып,елді шулатқан шенеунік өзінің кінәсін бірден мойындаған. Ал, оқиғаның басты куәгері болған – Өскемен әкімі Қуат Тұмабаев осы оқиғадан кейін ақысыз еңбек демалысына жіберілсе де, бүгін сотқа келмеді.
Ал, қаралы отбасы «жаздым, жаңылдым» деген қала әкімінің орынбасары Құрманбаевқа қатысты шешімдерін былайша түсіндірді:
“Мен оның ата-анасын, әйелін қатты аяп кеттім. Әкесі қатерлі дертке шалдыққан. Ең болмағанда, соның жағдайын жасасын дедім. Түрмеде отырса, отбасына қалай көңіл бөлмек?!”, деді марқұмның әкесі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе