Бақытжан Сағынтаев ІІМ-ге сауда орталықтарын тексеруді тапсырды
Қазақстанның премьер-министрі Бақытжан Сағынтаев үкімет отырысында Кемероводағы “Зимняя вишня” сауда үйінде шыққан өрттен қаза тапқандардың туыстарына көңіл айтты.
Бұл туралы Today.kz хабарлады.
“Кемеровада сауда орталығында өрт шығып, көп адам қайтыс болғанын білесіздер, ішінде 35 бала бар. Мемлекет басшысы Ресей Федерациясының президентіне ресми түрде көңіл айтты. Бұл бізге сабақ болуы керек.
Қазір бұл мәселе әлеуметтік желілерде талқыланып жатыр, блогерлер өз еріктерімен сауда-ойын-сауық орталықтарына барып, авариялық есіктердің ашық не жабық тұрғанын тексеріп жүр. Осындай оқиғалардың алдын алу үшін шара қолдануымыз керек.
ІІМ-ге сауда, ойын-сауық орталықтарына тексеріс жүргізу тапсырылды”, – деді Сағынтаев.
Бұл тапсырманы вице-премьер Асқар Мамин бақылауға алды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе