Бұл туралы Қазақпарат хабарлайды.
Марқұм болған баланың ата-анасы ұлын өлімге әлдекімдер итермеледі деп күдіктенеді. Көңіл айта келген бір топ ата-ана да мұны мектептегі әлімжеттіктен көреді.
«Осы оқиғадан кейін баламызды сабаққа жіберуге қорқамыз», дейді олар.
Ал 8 сынып оқушысы білім алған мектептің директоры әлімжеттік туралы былай түсінік берді.
«Мектепте оқушылардың әлімжеттік көрсетуі, қазір енді барлығы айтылып жатады. Барлық жұмыстар, өзімізге тисті шаралар атқарылып жатыр. Мен мектеп басшысы ретінде мектептегі балаларды бопсалау, бір-біріне күш көрсету, әлімжеттік бар деп санамаймын», – деді Байсерке ауылындағы №12 орта мектептің директоры Табиғат Ибраимова.
«Базардың бәрі біледі ғой. Осы жерден жіп сұраған, ешкім бермеген. Сөйтіп ана жаққа барған да секірген», – дейді Байсерке ауылының тұрғыны Жұмабай Жолдасұлы.
Естеріңізге сала кетейік, қайғылы жағдай болған күні 8 сынып оқушысы сабаққа бармағанын облыстың білім басқармасы мәлім еткен еді.
Ал қайтыс болған Нұрбол Туғанбай отбасыдағы балалардың үлкені болған.