Атырауда “Таблиги Джамаат” экстремистік ұйымына мүше жігіттер сотталды

Атырау қалалық №2 сотында Шығыс Қазақстан және Атырау облыстарының алты тұрғындарына қатысты үкім шықты.

Сотталушылардың барлығы «Таблиги Джамаат» діни экстремистік ұйымының қызметін ұйымдастырғандары және қатыстқандары үшін кінәлі деп танылды деп хабарлады қалалық соттың баспасөз қызметі.

Сот отырысында сотталушылар Үндістан, Пәкістан, Бангладеш және БАӘ мемлекеттерінде орналасқан

«Таблиги Джамаат» халықаралық діни ұйымының оқу орындарынан білім алғаны анықталды. Оқуды аяқтағаннан кейін сотталушылар тыйым салынған экстремисттік ұйымның идеяларын Алматы облысында насихаттап, 2016 жылдың соңында Маңғыстау және Атырау облыстарына жолға шыққан.

Сотталғандарды ұстау кезінде олардан орыс және қырғыз тілдерінде тыйым салынған діни кітаптар тәркіленген.Олар өздерінің кінәләрін ішінара мойындады, оларға қолданылған «күзетпен ұстау» бұлтартпау шарасы өзгеріссіз қалдырылды.

Олардың барлығы – жанұялы және жұмыссыз.

Атырау қалалық №2 сотының үкімімен Алматы, Шығыс Қазақстан және Атырау облыстарының 6 тұрғыны ҚР ҚК-нің 405-бабының 1,2-бөлігімен «Қоғамдық немесе діни бірлестіктің не өзге де ұйымның қызметіне соттың тыйым салу туралы шешімі бола тұра, олардың қызметін ұйымдастыру және қатысу» кінәлі деп танылды.