Атақты кәсіпкердің қызы мінген ұшақ апатқа ұшырады
Инвестициялық компанияға тиесілі жеке ұшақ Шарджадан Ыстамбұлға ұшып келе жатқан.
Иранның батысында түркиялық жолаушылар ұшағы құлады, деп хабарлады РИА Новости-ге сілтеме жасап Sputniknews.kz хабарлады.
Шарджадан Ыстамбұлға ұшып шыққан Bombardier CL60 ұшағы кеше Астана уақытымен сағат 20.40-та радардан жоғалып кеткен. Бортта 11 адам болған, оның үшеуі – экипаж мүшесі. Әуе кемесі таулы жерге құлаған. Лайнер жерге соғылғаннан кейін өртеніп кеткен.
апатқа ұшыраған жеке ұшақ Başaran Holding инвестициялық компаниясына тиесілі болған. Бортта белгілі түрік бизнесмені Хюсейн Башаранның 28 жастағы қызы Мина Башаран мен оның жеті досы болған. Мина Біріккен Араб Әмірліктеріне құрбыларымен бірге сауық кешін өткізуге барғаны белгілі болды.
Ол 2013 жылдан бастап холдингтің директорлар кеңесіне кірген. Қыз Başaran Holding басшылығында әкесінің орнын басады деп жоспарланған.
Ұшақтың құлауына қозғалтқыштың өртенуі себеп болуы мүмкін.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе