Астанада қазақ күресі бойынша әлем чемпионаты басталды, – деп хабарлайды ҚазАқпарат.
Әлем чемпионатына 39 мемлекеттен жалпы саны 167 спортшы қатысады. Олардың қатарында дзюдодан әлем чемпионы және Еуропаның 3 дүркін чемпионы грециялық Алексиос Нтанатсидис, джиу-джитсу бойынша әлем чемпионы бразилиялық Ренато Кардозо, күрес бойынша Азия чемпионы тәжікстандық Хуршед Шарипов, грек-рим күресі бойынша Панамериканың 3 дүркін чемпионы боливиялық Морант бар.