Астана әкімі Әсет Исекешев жақын арада қалада қоқыс жинаудың жаңа мәдениеті қалыптасатынын және тұрғындарды тұрмыстық қалдықтарды сұрыптап жинау мәселесіне ат салысуға шақырды.
Бұл туралы елордада Орталық коммуникация қызметінде өткен баспасөз мәслихатында Әсет Исекешев мәлім етті.
Бас қаланың әкімі өз сөзінде Еуропа елдерінің тәжірибесін мысалға келтірді. Сөйтіп дамыған елдердің әр үйінде қоқысты бөлек жинауға төрт контейнер тұратынын айтты. Міне, осы секілді Астана да органикалық және органикалық емес қоқысты бөліп жинайтын елдердің тәжірибесін негізге ала отырып, дамытуға мүмкіндік бар екен. Қазір оған қалалық әкімдік кірісіп те кетіпті.
«Қазір екінші кезең жүріп жатыр, оның мақсаты – республиканың қоқысты бөлек жинау жүйесіне көшуі. Ол жаңа мәдениет. Арнайы 6000 контейнер сатылып алынуда. Жақын арада ол контейнерлерді аулаларға орнатып бастаймыз.
Біз мектептерде ауқымды компанияны бастадық. Қаланың барлық тұрғындарын осы мәселені зерттеуге шақырамыз, себебі жақын арада біз қоқысты бөлек жинауға көшеміз», – деді қала әкімі.
Бағдарламаның екінші кезеңінің аясында қоқыс өндейтін зауыттың құрылысын алу жоспарланған.
«Біз француздық технологиямен зауытты іске қоспақпыз. Айтпақшы, ол жоба ЭКСПО-да таныстырылған болатын. Оны көрменің мұрагері деп айтуға болады. Зауыт толықтай органикалық қалдықтарды қайта өндеп, оның ішінде биогаз, белгілі тыңайтқыш түрлерін өндіріп, пластика, ағаш, қағаз өндіретін болады. Яғни біз қоқыстың 70 процентін қайта өндеуді қаматамасыз етеміз.
Жалпы бұл еуропалық мемлекеттерде жақсы деңгей болып саналады. Кешенді қайта өндеу зауытының құрылысы 2019 жылдың күзінде аяқталады», – деді ол.
Сонымен бірге Астана әкімі пластик пен ағашты қайта өндеу зауытын іске қосқан жеке инвесторды мысалға келтірді.
«Инвестормен 30 қоқыс шығару және 2000-нан астам контейнер сатылып алынды. Өткен жылы ЭКСПО көрмесін өткізу кезінде де және қазірдің өзінде біз қоқыспен проблема көріп отырған жоқпыз», – деді Әсет Исекешев.