Көп балалы және аз қамтылған отбасылардан шыққан балаларға 5 мың қосымша грант бөлінеді.
Білім және ғылым министрлігі 2019/2020 оқу жылына арналған гранттар тізімін жариялады. Биылғы жылы жоғары білімі бар мамандарды даярлауға 53 594 грант, магистрлерге — 12 504, PhD докторларына — 2 240 грант бөлінді.
Шамамен 1 тамызда грант иегерлерінің аты-жөндері белгілі болады
Естеріңізге сала кетейік, 20-30 маусым аралығында Қазақстанда ұлттық бірыңғай тестілеу өтіп, оған 110 мыңнан астам адам қатысқан болатын.
Президенттің тапсырмасы бойынша 2019/2020 оқу жылына көп балалы отбасылардың балалары мен атаулы әлеуметтік көмек алушыларға қосымша 5 мың грант бөлінді. Олар биылғы жылдың 1 қыркүйегінен бастап қолжетімді болады. Негізгі шарт: ҰБТ тапсырған және нәтижесі бойынша
ұлттық жоғары оқу орындарына — 65 баллдан кем емес, “педагогикалық ғылымдар” бағыты бойынша — 60 баллдан кем емес, басқа жоғары оқу орындарына — 50 баллдан кем емес
жинаған түлектер.
Айта кетейік, ағымдағы жылдың І тоқсанының қорытындысы бойынша бюджет есебінен 41,4 млрд теңгеге қызмет көрсетілді (жылына+13,1%). Оның ішінде халық есебінен — 33,9 млрд теңгеге (+9,2%). Ең үлкен өсім кәсіпорындардың қаражаты есебінен байқалды: бір жыл ішінде плюс 43,6% (дегенмен, бұл небәрі 1,9 млрд теңге).
2017/2018 оқу жылында Қазақстанда 124 ЖОО жұмыс істеді. Олардың ең көп бөлігі Алматыда (41), Нұр-Сұлтан (14) және Шымкентте (10).
Бұған дейін сапаны арттыру мақсатында Қазақстан жоғары оқу орындарының санын жоспарлы түрде қысқартқан болатын. Осылайша, президент Қасым-Жомарт Тоқаев шетелдік инвесторлар кеңесінің отырысында елдегі білім беру сапасын арттыруға бағытталған шараларды атап өтті. Алайда тренд өзгерді, енді оқу орындарының саны артады.
Білім және ғылым шығындарына ІЖӨ-нің 5%-ын бөлу жоспарланып отыр. Сондай-ақ президент болашақта жаңа оқу орындарын құру туралы айтты. Бұл 180 колледж және 20 алдыңғы қатарлы ЖОО. Бұл мақсатқа республикалық бюджеттен бірінші кезеңде 58 млрд теңге бөлінеді.