Астана
Қазір
1
Ертең
0
USD
366.43
0.00
EUR
420.11
0.00
RUB
5.58
0.00

«Амулет жасаймыз…». Алаяқтар альбинос қыздың басын кесіп алды (фото)

Жан түршігерлік оқиға Мали елінде орын алған. Жергілікті алаяқтар альбинос баланы тәрбиелеп отырған үйге кіріп, анасының көзінше 5 жастағы қызды ұрлап әкеткен.

Анасы олардың артынан қуа жөнеледі. Бірақ ұрыларға жете алмасын біліп, оның үстіне үйде қалған кішкентайына да қауіптенген ана кері қайтуға мәжбүр болған деп хабарлады ҚазАқпарат.

Жергілікті тұрғындар көп ұзамай бес жастағы қыздың мүрдесін тауып алады. Белгілі болғандай жергілікті тайпа өкілдері қыздың басын кесіп әкеткен екен.

Естеріңізге сала кетейік, Африка құрлығының осы бөлігінде альбинос балалардың сүйегінен жасалған амулеттер аурудан емдеп, байлық шақырады деген наным-сенімді білдіреді. Өйткені альбиностар Айдың баласы деп саналады. Сондықтан бұл өңірде мұндай қылмыстар жиі орын алып тұрады.

Жалпы, альбинизм бұл туабітті дерт. Ағзаға меланиннің жетіспеушілігінен адамның шашы, барлық түгі бар жер ақ болады. Терісі де қызғылт боп өте жұқа келеді. Ғалымдар мұны туыс адамдардың ұрпақтарының бір-бірімен жиі қосылуынан туатын генетикалық шатыс деп есептейді.