Полициядағылар Алматыдағы арнайы операцияға қатысты жаңа мәліметтер жария етті.
Бұл туралы қалалық ішкі істер департаментінің баспасөз қызметі хабарлады.
Кеше – 12 қарашада шамамен сағат 23.00-де Алматы қалалық ІІД Ұйымдасқан қылмыстық топпен күрес басқармасының қызметкерлері Бостандық ауданында арнайы операция жүргізіп,
Оңтүстік Қазақстан облысының 1994 және 1969 жылғы тұрғындарын ұстады. Ұсталғандардың көліктерін тексеру кезінде жарық-дыбыстық автомат, пышақ, сондай-ақ, бронды кеудеше тәркіленді.
https://kaz.365info.kz/almatyda-atys-boldy-dej-me-289190
“Екі күдіктінің де осыған дейін қару, есірткі сақтағаны үшін және алаяқтық үшін қылмыстық жауапкершілікке тартылғаны анықталды. Бұл дерек сотқа дейінгі бірыңғай тергеу реестріне тіркелді. Жедел-тергеу шаралары барысында қарудың қандай мақсатта сақталып, тасымалданбақшы болғаны, сондай-ақ, олардың Алматы аумағында және республика бойынша тағы қандай қылмыстарға қатысы бар екені анықталатын болады”, – деп хабарлады қалалық ІІД өкілдері.