Алматыда өзге этнос өкілдері мемлекеттік тілден жаппай диктант жазып, тапсырады. Жалпықазақстандық ашық диктант Қазақстан Республикасы Тәуелсіздігінің 25-жылдығы мерейтойы аясында өтетін «Мәңгілік Ел» патриоттық актісіне арналады. Бұл туралы Алматы қаласы әкімдігінің баспасөз қызметі хабарлайды.
«Мәңгілік Ел» патриоттық актісін насихаттау арқылы мемлекеттік тілді білуге қызығушылықты арттырып, қазақстандық бірегейлікті қалыптастыру, қоғамдық келісім мен ел бірлігін нығайту көзделіп отыр.
2015 жылы Алматыда, шамамен, 100 адам диктант жазған еді, олардың тек екеуі „өте жақсы„ деген бағаға ие болған. Ол бүкіл әлемде бір сәтте өтетін „Тоталды диктант„ акциясы аясының шеңберінде орын алғанын еске сала кетелік.