Алматыда бір жыл бұрын жүруіне тыйым салынған отарбалар жан баласына керегі болмай, тат басып жатыр. Тау боп үйілген сол шойынды шенеуніктер қайда жіберерін білмей дал. Бұл туралы КТК хабарлайды.
Осының кесірінен депо аумағы нағыз қоқыс алаңына айналған. Трамвай вагондарының да бір жылдан бері ешкімге керегі болмай тұр. Бұрынғы депо басшылығы қанша тырысқанымен, ешбір фирма темір-терсекті қажет қылмапты.
“Рас, байқау біраз созбалаңға салынды. Себеп 24 жобаның ішінен ең жақсысын таңдау оңайға соқпады. Сарапшылардың пікірлері екіге жарылды. Сондықтан, жобаны біраз создырдық. Қазір біреуін таңдаған сияқтымыз. Енді қаржыландырудан кейін сол жоба бойынша саябақ жасайтын боламыз”, – дейді «Алматы даму орталығы» урбанистика бөлімінің жетекшісі Наталья Ливинская.