Алматыда тағы күшті жер сілкінісінің болуы болжануда
9-тамызда таңғы уақытта Алматы мен Алматы облысының тұрғындары магнитудасы 4 балл болатын жер сілкінісін сезді. Мұндай жер сілкінісі соңғы рет 2013 жылы тіркелген екен.
Бұл туралы Tengrinews.kz “Сейсмология институты” ЖШС директоры Әнуар Боранбаевқа сілтеме жасап, хабарлады.
“Осыған ұқсас жерасты дүмпулері Алматыда 2011 жылы, ал кейінірек 2013 жылы тіркелді. Екі жағдайда да жер сілкінісінің магнитудасы шамамен 4-5 балға тең болды”, – деді Әнуар Боранбаев.
Сондай-ақ, “Сейсмология институты” ЖШС директорының айтуынша, бұл магнитуда қалыпты деп саналады.
“Мұны “жойқын” жер сілкінісі деп айтуға болмайды”, – деп түсіндірді Боранбаев. Оның айтуынша,
алдағы аптада 6 балдан асатын жерасты дүмпуі бола ма, жоқ па – бүгін болжау комиссиясының отырысынан кейін 16.00-ден кейін белгілі болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе