Қазақстан футбол федерациясының бастауымен Алматыда тұңғыш рет бұқаралық ақпарат құралдары қызметкерлері арасында футболдан чемпионат өтті.
«Журналистер чемпионатына» 7 команда қатысты: «Қазақстан» телеарнасының құрамасы, «Халық Арна», «Атамекен» телеарналары, қала лигасының қазіргі чемпионы «Prosports.kz» сайты, «Vesti.kz» сайты, «365 info» және «Nur.kz» порталдарының командалары доп тепті.
Чемпион атағын “365 info” командасының жігіттері жеңіп алды.
Екінші орын “Tengrinews.kz”, “Vesti.kz” және “Massaget.kz” порталдарының біріккен “EML” құрамасына бұйырса, үздік үштікке “Атамекен”, “31”, “Алматы” және “Азаттық радиосының” біріккен құрамасы ілікті.
ең мықты қақпашы атағы бірауыздан Мақсат Слямбековке берілді.
Турнирдің үздік мергені – “365 info” өкілі Олжас Қызықбаев, үздік плеймейкердің жүлдесін «Ұлттық арнаның» ойыншысы Байғайып Байтеміров алып кетті.