Алматы облысының тұрғыны қызын зорлаған азғынға кешірім бермекші
Алматы облысы Жансүгіров ауылы тұрғындары 8 жасар қызын зорлаған азғынды кешірмек болған әйелдің әрекетіне наразы, деп хабарлайды Sputnik Қазақстан тілшісі.
Зорлау туралы дерек Facebook желісіндегі ” Талдыкорганец ” тобында жарияланған. Жансүгіров ауылының тұрғындары хабарлағандай, 28-тамыз күні түнде 8 жасар қыз баланы аяусыз зорлап кеткен. Бүлдіршін кедей отбасында өсіп келеді, анасы арақ алу үшін дүкенге кеткенде зорланған. Қызды зорлады деген күдікке оның анасымен бірге тұратын 24 жастағы жігіт ілінген. Баланың айғайын естіген көршілері жүгіріп келіп, азғынды ұстапты.
“Ол үйін жөндету үшін арызды қайтып алыпты. Баланың жайы не болмақ?! Біздің ауылдың тұрғындары түгел наразы. Баланың құқығын қорғауды сұраймыз”, — деп жазады ауыл тұрғындары.
Алматы облысы полициясы баланың зорланғандығы туралы деректі растады, күдікті қамауда деп мәлімдеді.
Жақында сот-медициналық сараптама қорытындысы шығады екен.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе