Ақтөбеде жетімдерді қамқорлығына алғандардың құйтырқы ісі әшкерленді
Ал Ақтөбеде қамқоршысы жоқ балаларды патронаттық тәрбиеге алған бірнеше азаматтың жауапсыз әрекеті әшкере болды.
Олар балалардың тәрбиесіне салғырт қарап, тиісінше бақылау жасамаған деп хабарлады “Хабар-24” телеарнасы.
Ең сорақысы, қамқорлықпен айналысқандардың арасында бұрын сотталғандар және жүйке аурына шалдыққандар да бар екен.
Кейбір жасөспірімдер патронаттық тәрбиешіден бөлек тұрып келген. Ал тәлімсіз тәрбиеші ай сайын тиісті жалақысын алып отырған. Осының салдарынан балалардың көбі әкімшілік құқық бұзып, бейімдеу және оқшаулау орталығына түскен. Кешенді тексеру жүргізген прокурорлар біраз заң бұзушылық дерегін тіркеген.
– Прокурорлық қадағалаудың арқасында 34 баланың мүліктік құқықтары қалпына келтірілді. 21 кәмелетке толмаған баланың мүддесі үшін алимент өндіріле бастады. 7 баланың мүлкіне олар кәмелет жасқа толғанға дейін иемдену құқығына шектеу қойылды. 2 баланың мүлікті жалға беруден түскен қаржылары шоттарына аудару басталды. Талдау қортындысы бойынша заңнаманы жетілдіру жөнінде Бас прокурорға ұсыныстар жолданады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе