Ақтөбе көшесінде жүйткіген шымкенттік “кабриолет” елді таң қалдырды (видео)

Ақтөбе көшесінде шымкенттік нөмір тағып, қолдан жасалған «кабриолет» жүйткіп бара жатқанын түсірген видео әлеуметтік желіде кеңінен тарап жатыр.

Бұл туралы Отырар телеарнасы хабарлады.

«Шымкенттік кабриолет» деген жазбасы бар видео «Ақтөбе Zello жүргізушілері» тобына жүктеліпті.

Видеода жолда жоғары жылдамдықпен жүйткіп бара жатқан төбесі жоқ автоны көруге болады. Көлік өткен ғасырда шығарылғаны көрініп тұр. «Х» әріпті мемлекеттік нөмірі де бар.

«Жарайсың! Осындай шеберлер көп болсын!» – деп жазуда пікір білдірушілер.