АҚШ-тың Ресейге қарсы санкциялары Америка бизнесі мен олардың серіктестерінің жұмысына кедергі келтірмейді.
АҚШ елшілігінің баспасөз маманы Рэн Эльхай Астана телеарнасына берген сұхбатында осылай деді. Оның айтуынша, америкалық тарап өздерінің серіктестерімен әлеуетті санкциялармен байланысты мәселелерді нақты проблемаларға айналып кетпес бұрын шешуге тырысатын болады.
– Біздің мақсатымыз – қабылданған санкциялардың серіктестерімізге кері әсерін болдырмау. Сондықтан бұл мәселеге байланысты барлық сұрақты өршіп кетпей тұрғанында шешуге тырысамыз.
https://kaz.365info.kz/osy-zholy-bari-bitedi-sarapshy-resejge-salynatyn-sanktsiyanyn-symdykh-khypiyasyn-ashty-276042
Президентіміз Трамп, осы құжатқа қол қоя отырып, яғни Иран, Солтүстік Корея мен Ресей елдеріне жарияланған санкцияларға қарсы, серіктестерімізбен кездесіп, ақылдасуды тапсырды.
Украинадағы жағдайды тұрақтандыру – бірлесе атқаратын іс. Осы бағытта өз бизнесіміз бен серіктестеріміздің кәсібіне зиянын тигізіп алмауды қадағалаймыз.
Еске сала кетелік, АҚШ Конгресі соңғы қабылдаған Ресейге қарсы санкция түрінің салдары қазірдің өзінде бірқатар бизнес қауымдастықтың мазасын алуда. Өйткені жаңа санкцияның талабы бойынша әлемдегі барлық қаржы институттары 180 күннің ішінде Ресей шенеуніктерінің шетелдегі жасырын барлық мал-мүліктерінің тізімін жария етуі тиіс. Одан кейін АҚШ сол мал-мүліктің барлығын тәркілеуге қол қоюы мүмкін. Әрине, мұндайда ресейлік олигахтармен бірлесе жұмыс істеген компаниялар да бұл қара тізімге ілініп кету қаупі бар. Бұл ретте қазақстандық бай-манаптардың да аты аталып қалуы туралы болжамды бірнеше сарапшы айтып қалып еді.