Ақмола облысында су тасқыны электр желілерін бүлдірді
Ақмола облысында Есіл өзенінде су деңгейінің көтерілуі салдарынан тұрғындар жарықсыз қалды. Күшті тасқын электр бағаналарын қиратып, кейбір станцияларды су басты.
Құтқарушылар тәулік бойы жұмыс істеп, адамдар мен малдарды қауіпсіз жерге көшіруде. Бұл жұмыстарға 240 маман мен 100-ден астам техника жұмылдырылды. Астрахань ауданында 200-ге жуық үй жарықсыз отыр.
Тасқын жайылымдардағы малды да әбігерге салды. Құтқарушылар дрондардың көмегімен малды іздеп, оларды қауіпсіз жерге айдап жүр.
Қазір бөгеттерді бекіту және дренаж жүйелерін салу жұмыстары қолға алынған. Гидрологтар су тасқынының ең жоғарғы шегі артта қалғанын, алдағы аптада жағдай тұрақтанып, судың қайтуы басталатынын мәлімдеді.
«Жақсын, Жарқайың және Есіл аудандарындағы өзендерде су деңгейінің ауытқуы байқалады. Колутон және Жабай өзендерінің тасуына байланысты екінші толқын болуы мүмкін», – деді «Қазгидромет» Ақмола облыстық филиалының бөлім басшысы Надежда Гурышкина.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз