Академик карантинді жылдың соңына дейін ұзартуды ұсынды

Медицина ғылымдарының докторы, ҚР ҰҒА академигі  Вячеслав Локшин inbusiness.kz порталына берген сұхбатында осындай пікір білдірді.  Оның айтуынша, ҚВИ жұқтырған Қазақстандықтардың шамамен 70%-ында ауру жеңіл  немесе симптомсыз түрде өтуде.

— Алайда, клиникалық көріністері айқын коронавируспен күресіп жатқан қалған адамдарды емдеуге отандық денсаулық сақтау саласының шамасы жетпеуде, – деп түсіндірді Локшин.

Сарапшы карантинді 2020 жылдың соңына дейін ұзарту дұрыс қадам болатынын атап өтті.

— Қазақстан карантиннің көмегімен ғана пандемияны жеңе алады, өйткені біздің елімізде дәрігерлер жетіспейді және қаржылық мүмкіндігіміз де шексіз емес, — деп түйіндеді профессор.