Шымкентте 18 жастағы қызға әжесі бүйрегін берген
Шымкент қаласында 18 жастағы қызға әжесі бүйрегін берді. Жас қыз ауыр бүйрек ауруына шалдыққаннан кейін дәрігерлер оған трансплантация қажет екенін анықтаған.
Қажетті тексерулерден соң оның ата-анасының қан тобы донорлыққа сәйкес келмеген. Осы кезде немересінің өмірін сақтап қалу үшін әжесі донор болуға шешім қабылдаған.
«Ең бастысы, менің немерем сау болсын», – деген әже операцияға қажетті медициналық тексерулерден өтіп, бүйрегін беруге келісім берген.
Түркістан облыстық клиникалық ауруханасында мамандар тірі туыстық донордан бүйрек трансплантациясын сәтті орындады.
Қазір әже мен немере дәрігерлердің бақылауында, екеуі де оңалту кезеңінен өтіп жатыр.
18 жыл бұрын кішкентай немересінің қолынан ұстаған әже бүгінде оған жаңа өмірге қадам басуға мүмкіндік сыйлады.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз