Шымкентте ақша бопсалаумен айналысқан топ ұсталды
Шымкентте полиция жергілікті тұрғыннан ақша бопсалаумен айналысқан топтың жолын кесті. Тексеру барысында ер адамның екі көлігін де заңсыз тартып алғаны анықталды.
Тергеу деректеріне сәйкес, күдіктілер ер адамға психологиялық қысым жасап, өздері келтірді деген жалған сылтаумен ақша талап еткен. Сонымен қатар олар оның көліктерін ешқандай заңды негізсіз иемденіп алған.
Жедел уәкілдер бопсалаушыларды 3 мың АҚШ долларын беру сәтінде қолға түсірді.
Іс бойынша төрт адам өтіп жатыр. Олар уақытша ұстау изоляторына қамалды. Тергеу барлық мән-жайды анықтап, олардың басқа да осындай қылмыстарға қатысы бар-жоғын тексеріп жатыр.
Полиция өкілдері қысым көрсету, бопсалау және кез келген жолмен заңсыз ақша талап ету қылмыстық жауапкершілікке әкелетінін ескертті.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз