Қазақстан халқының саны 20,3 миллионнан асты
Ұлттық статистика бюросы еліміздегі халық санына қатысты жаңартылған мәліметтерді жариялады. 2025 жылдың 1 мамырындағы жағдай бойынша Қазақстан халқы 20 353 265 адамға жетті. Бұл бір ай бұрынғы көрсеткішпен салыстырғанда 19 735 адамға көп.
2025 жылдың 1 сәуірінде халық саны 20 333 530 болған еді. Бір ай ішіндегі өсім шамамен 20 мыңға жуықтады. Жалпы, жыл басынан бері халық саны 69,8 мың адамға артқан. Оның ішінде табиғи өсім есебінен 63,4 мың, көші-қон арқылы 6,3 мың адам қосылған.
Ірі қалалар бойынша халық саны:
• Алматы – 2 310 071 адам
• Астана – 1 558 501 адам
• Шымкент – 1 271 228 адам
Алматыдан кейін ең тығыз қоныстанған өңір Түркістан облысы. Онда 2 151 581 адам тұрады. Жыныстық құрылым бойынша: ер адамдар – 9 946 377, әйелдер – 10 406 888. Көші-қонның оң сальдосы Алматы және Маңғыстау облыстарында, сондай-ақ, Астана, Алматы және Шымкент қалаларында байқалды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе