Шымкентте полиция қызметкері тұтқын әйелді зорлағаны үшін сотталды
Шымкентте жедел уәкіл абақтыда отырған әйелге күш көрсетіп, сексуалдық сипаттағы қылмыс жасағаны үшін сот үкімімен кінәлі деп танылды.
Іс материалдарына сүйенсек, 2024 жылдың қыркүйегінде полиция қызметкері әйел тұтқынды «анасына қоңырау шалуға апарамын» деп алдап, қоймаға алып барған. Сол жерде жәбірленушінің қарсылығына қарамастан зорлаған.
Бастапқыда жәбірленуші болған оқиғаны жария етпеген. Алайда қазан айында медициналық тексеру кезінде жүктілігі анықталып, тергеу басталды. Тергеу барысында әйел зорлық фактісін растаған.
Айыпталушы Диас М. өз кінәсін мойындамай, бұл жыныстық қатынас өзара келісіммен болғанын айтқан. Кейін жәбірленуші де мәлімдемесін өзгерткенмен, сот бұл уәждерді негізсіз деп танып, айыпталушыны 9 жылға бас бостандығынан айырды. Сонымен қатар, ол сот шығындарын және жәбірленушілерге көмек қорына 77 мың теңге көлемінде өтемақы төлеуге міндеттелді.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз