Маңғыстауда сирек кездесетін барыс камераға түсті

Маңғыстау облысындағы «Қызылсай» мемлекеттік өңірлік табиғи паркі аумағында Орта Азия барысы фотоқақпанға түсіп қалды. Бұл туралы өңірлік табиғи ресурстар және табиғатты пайдалануды реттеу басқармасының басшысы Мыңберген Қаратауов мәлімдеді.

– Біздің мамандар айына бір рет камерадағы деректерді жинайды. 18 наурызда барыстың фотосы анықталды. Сонымен қатар, камераға қасқыр, түлкі, арқар және түрлі құстар да түсіп қалған, – деді Қаратауов.