Қазақстандық балуан қыз әлемнің үздік 10 дзюдошысы атанды
Қазақстандық дзюдошы Ғалия Тынбаева Халықаралық дзюдо федерациясының (IJF) рейтингінде үздік ондыққа кірді. Ғалия Тынбаева 48 кг салмақ дәрежесіндегі рейтингте 12-орыннан 10-орынға көтерілді. Оның еншісінде 3779 ұпай бар.
Ал осы салмақтағы тағы бір қазақстандық дзюдошы Әбиба Әбужақынова рейтингтегі бұрынғы орнын сақтап қалды. Ол 5778 ұпаймен 4-орында тұр.
Айта кетейік, жақында Ғалия Тынбаева Загребте (Хорватия) өткен Гран-при турнирінің күміс жүлдегері атанған еді. Ол финалда жапониялық Вакана Когаға есе жіберді. Ал биыл мамырда Тынбаева қазақ қыздары арасында тұңғыш рет Grand Slam турнирінің чемпионы атанды.
Астанада өткен жарыстың финалында Ғалия ресейлік дзюдошы Сабина Гилиязовамен кездесіп, алдымен «ваззари», кейін «иппон» ұпайын алып, белдесуді мерзімінен бұрын жеңіспен аяқтады.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз