Төреғалидың анасы ұлы мен келіні жайлы пікір білдірді

“Адамды бірден көзіне, сырт жанарына қарап байқауға болады ғой. Толқынды таныстыруға әкелген кезінде, менің Төреғалиымды бақытты ететін жан деп түсіндім.

Кейіннен балам: – Апа, қалай сізге ұнады ма? – деп сұрады. Білмеймін, осы қыз маған ұнап тұр. Өзінің көрсеткені осы бір-ақ қыз ғой. Сонымен бұйырды ғой”, – дейді Төреғалидың анасы.

Төрештің сөзіне қарап, көпшілік әнші болашақ жарына махаббатсыз үйлене салды деп те ойлады. Алайда Төреғалидың анасы бұл сөзді жоққа шығарды.

“Бір-бірін қатты жақсы көреді, сыйлайды, ең бастысы. Өздерінде сезім болды, ең бастысы. Мен әшейін қолдау көрсетуші, әрі қарай демеушімін”, – деп түсіндірді ол.

Бұдан бөлек, анасы ұлының тырнақалды фильміне қатысты пікір білдірді.

“Қалай болады, не болады деп киноның басынан бастап бітем дегенше қатты қобалжыды. Осы күнге дейін неше түрлі қиындықтан өтті ғой. Бұдан қатты қинала қоймас деп ойлаймын”.