Үнсіздік – үйдей пәледен құтқармайды
Соңғы жылдарда қанішер Совет заманын аңсаушылар көбейгендей көрінеді. Өлмейтін полк шерулері, казактарды тайраңдатып қою, енді міне комсомолдың мерейтойын жер-жерде атап өту соған куә.
Алайда бұл өліп бара жатқан құбыжықтың соңғы жанайқайы. Оны әзірше тірілтіп отырған – путиндік Ресей мен оның жергілікті жанкүйерлері – барын салуда, ақшасын аямауда, лауазымдарын заңсыз пайдалануда. Өшу алдындағы путиндік жүйе өзімен қалсын.
Тек әлгілердің ең басты құдіреті – қалған 95 пайыздың үнсіз отырғаны. Өз кезегінде үнсіздікті келісіп-қолдау деп жорыған олар өз дегенін жүргізуде.
Десе де, қаншама бағынышты, алданған, әлсіз әрі хұқығы тапталған болса да, болашақ көпшілік қолында. Өйткені бұл – намысын жоғалтпаған, құлдықтан ада, арын сатпаған қоғам, ең алдымен жастар. Мәселе аталған көкжиекті мейлінше жақындатуда жатыр.
Ендеше құр санға тоқмейілсіген қате. Сан сапаға, ал арты халықшыл шешімдерге айналу үшін белсенділік таныту қажет. Сонда ғана отар заман жақтаушылары үні өшіп, азат мемлекет орнайды.
Расул Жұмалының faceboobk парақшасынан
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе