Алматы облысында жоғалып кеткен 5 жасар аман-есен бала табылды
Алматы облысында бес жасар бала далада түнеп шықты. Үйдің жанында ойнап жүрген кішкентай Елдос кеш батқанда қайтар жолды таба алмай, адасып кеткен.
ұл туралы 31 арна-ға сілтеп, Stan.kz хабарлайды.
Балаларын таба алмаған ата-ана түнгі сағат 22:00- де құтқарушыларға жүгініп, көмек сұрады. Ақсу аудандық құтқарушылар қызметінің жедел тобы мен еріктілер түні бойы жан-жақты тексеріп, 5 жасар баланы іздестірді. Олар иен далада Елдос деп айқайлап, бүлдіршінді іздеумен болды. Баланың сөйлеу ақауы бар және есту қабілеті нашар болғандықтан, оны іздеу қиынырақ болды.
” Ақсу аудандық төтенше жағдайлар қызметінің жедел тобы сағат 10:20-да баланы өздерінің шаруа қожалығынан 15 шақырым жерден тауып алды. Ол, қалың шөп өскен алқап”,- деді Алматы облысы Төтенше жағдайлар департаментінің ресми өкілі Азамат Жұртбаев.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз