“Жиналыста шенді ағалар…”. Парламенттегі масқараны балалар әжуалады (видео)

Көңілді тапқыр клубында өнер көрсеткен Астана қаласы ММ білім орталығы командасының жетекшісі Нұрболхан Шарапов үстіне құндық тон киіп, Баян ойнаған Сиситайдың келбетінде Нуритай боп сахнаға шықты.

Сөйтіп Баян Алагөзованың Кешью тобының жаңартылған құрамының „Ары-бері„ әнінің әуезіне сап шоу-бизнестен бастаған оның әжуасы саясатқа дейін ұласты.

Соның ішінде орыстанған қазақ пен қазақтанған орыс саясаткердің Парламентте бірін-бірі түсіне алмауын әшкере етті.

Айта кетелік, бірер апта бұрын ҚР Парламенті Мәжілісінде Ұлттық банк басшысы Данияр Ақышев Елбасының мемлекетте тілді сөйлеу туралы ескертуін елемей, орысша есеп берген еді. Оған депутат Геннадий Шиповских қазақ тілінде сұрақ қойды. Бірақ оны түсінбеген Ұлттық банк басшысының жауабы мүлде басқалай шықты. Бұл ыңғайсыз жағдай БАҚ беттерінде бұрқ етіп, бір масқара болып еді.