Димаш Құдайберген Қытайда өткен “I Am a Singer” музыкалық байқауының гала-концертіне қатысты.
Бұл туралы әнші Instagram парақшасында жазып, видео жүктеді.
“Бүгінгі кештен. Осыдан бір жыл бұрын өзім бақ сынаған “I am а singer” жобасының соңғы гала-концертінде қонақ есебінде қатысар алдындағы қызыл кілеммен көрініс”, – деп жазды Димаш Құдайберген.
Гала концертте ол америкалық әнші Лайонель Ричидің Hello әнін орындады.
Айта кетсек, Singer 2018 жеңімпазы британдық танымал әнші Jessie J атанды. Ал отандасымыз Димаш Құдайберген Қытайдағы I Am a Singer музыкалық байқауында былтыр ІІ-орын алып, әлемге танымал болды. Қытайдағы және Азиядағы бірнеше музыкалық жүлденің иегері атанды.