“Еркекпін…”. Қазақстандағы сұлулық байқауында масқара жағдай орын алды
Қазақстан азаматы әйелдерге арналған сұлулық байқауында жынысын өзгертпестен финалға дейін жетті, деп хабарлады РИА Новости агенттігі.
Агенттіктің хабарлауынша, Алматы тұрғыны Илай Дягилев сұлулық байқауында ақтық мәреге дейін жетіп, өзінің ер адам екенін мойындаған.
“22 жастағы Илай Дягилев Miss Virtual Kazakhstan байқауына қатысу үшін суреттерін Арина Әлиева деген атпен жолдаған. Алайда жігіт финалға шыққан соң өзінің әйел емес, ер адам екенін мойындап, ол байқаудан шығарылып, орнына басқа ару қатыстырылды”, – делінген жарияланымда.
Жігіттің айтуынша, ол жағдайдың өршіп бара жатқанын сезген соң, мойындауға бел байлаған.
“Мен финалға дейін жеттім және жағдайдың ушығып бара жатқанын түсінгенде Арина Әлиева емес екенімді мойындайын деп шештім. Бастапқыда бүкіл Қазақстаннан 4 мыңға жуық өтінім түскен, ақыры мен финалға шықтым”, – деді Дягилев.
“Мен және менің достарымның арасында сұлулыққа қатысты дау шықты. Ақыры, осы байқауға қатысамын деп шештім. Мен әрдайым табиғи сұлулықты жақтаймын. Қазір өздеріңіз де көріп жүрсіздер, көптеген қыздар бірсарынды, барлығы бірдей боянады, бірдей киінеді және солайша тренд қуса әдемі боламыз деп есептейді, мен олай ойламаймын”, – деді жігіт.
Дереккөзі: kaz.tengrinews.kz
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе