Қазақстанда тағы бір Назарбаев даңғылы пайда болады. Бұл туралы Оңтүстік Қазақстан облысы XVIIII кезектен тыс мәслихат сессиясында айтылды.
Отырысқа облыс әкімі Жансейіт Түймебаев қатысты. Сессия барысында мемлекеттік құқық мәселелері және өзін-өзі басқару жөніндегі тұрақты комиссияның төрағасы
Өмірзақ Мелдеханов Шымкенттегі Астана даңғылына Нұрсұлтан Назарбаевтың атын беру мәселесін көтерді,
деп хабарлайды Today.kz ОҚО әкімдігінің баспасөз қызметіне сілтеме жасап.
Бұл ұсынысты мәслихат депутаттары бірауыздан қолдады.
Шымкенттегі Астана даңғылында ОҚО-ның әкімшілік-іскерлік орталығы орналасқан.
Естеріңізге салайық, 2017 жылдың 30 қарашасында Алматы қаласындағы Фурманов көшесі Назарбаев даңғылы болып өзгертілген еді.