Елімізде энергетикалық сусындарды сатуға тыйым салу ұсынылды
Мәжілісмен Сәкен Қаныбеков энергетикалық сусындарды сатуға тыйым салуды ұсынды, – деп хабарлайды Tengrinews.kz тілшісі.
“Қазақстандық мамандардың пікірінше, энергетикалық сусындар психотропты, тәуелділік тудырып, орталық жүйке жүйесінің нашарлауына әкеледі. Мұндай сусындарды ішпеу туралы ұсыныстар көзге көрінбейтін, өте кішкентай әріптермен жазылған. Ал пайдасы бар қоспалар туралы үлкен әріптермен көрсетілген. Осыдан кейін мұндай сусындар пайдалы деген ой туындайды”, – дейді Қаныбеков премьер-министр атына жолдаған сауалында.
“Елімізде эенергетикалық сусындардың жасөспірімдерге сатылуын шектеу қажет, ол үшін әкімшілік жауапкершілік немесе сатуға мүлде тыйым салу қажет деп есептейміз”, – делінген сауалда.
Айта кетейік, мемлекеттік санитарлық бас дәрігердің 2013 жылдың 19 тамызындағы № 12 жарлығы бойынша, мұндай сусындарды мектептер, ЖОО, денсаулық сақтау ұйымдары, жастар мен жасөпірімдердің қатысуымен өткізілетін мәдени іс-шараларда сатуға тыйым салынған болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе