“Қазақстанның 100 жаңа есімі” жобасында ақтық сынға шыққандар анықталды

Mega Silk Way сауда ойын-сауық орталығында El.kz интернет-жобасының редакциясы «Қазақстанның 100 жаңа есімі» жобасының ақтық кезеңінің қатысушылары үшін дауыс жинау бойынша офлайн-акция өткізді.

Аталмыш акция екінші рет ұйымдастырылып отыр. Өткен аптада да El.kz командасы Mega Silk Way сауда ойын-сауық орталығында «Қазақстанның 100 жаңа есімі» жобасының ақтық кезеңінің қатысушылары үшін дауыс жинау мақсатында офлайн-акция ұйымдастырған болатын. Дауыс берудің жылжымалы пунктінде 150 адам дауыс берсе, осы аптада 200-ге жуық астаналықтар лайық деп тапқан кандидаттарға өз дауыстарын берді.

«Дауыс берудің аяқталуына санаулы күндер қалғандықтан, мүмкіндігінше белсенділік танытуға күш жұмсаудамыз. Өткен аптадағы акцияның нәтиежесі халық арасында жоба туралы ақпараттың кеңінен таралуына ықпал етті. Дауыс беруге келген адамдар тізім арасынан өз жерлестерінің есімін көргендіктен дауыс беруге ынталы екендіктерін айтып жатады. Біздің мақсатымыз – жоба туралы, жобаның беделі туралы кең ақпарат таратып, халықты құлақтандыру», – дейді EL.KZ интернет-обасының бас редакторы Бэлла Орынбетова.