“Қытайға жер сатты” деп арызданған Айдын Егеубаев ақыры сотталып тынды

Бүгін Астана қаласы №2 Сарыарқа соты азамат Биядиловаға жала жапқан Айдын Егеубаевқа қатысты үкім шығарды.

Ол ҚР Қылмыстық кодексінің 130-бап 3-бөлімге сәйкес, 2 жылға бас бостандығынан айырылды деп хабарлады BNews.kz.

“2016 жылдың 13 шілдесінде “Newtimеs.kz” басылымы “Нұр Отан” белсендісі” туралы мақала жариялап, қытайлықтардың қазақтардың жерін басып үлгергендері туралы жазған болатын. 2016 жылдың 30 шілдесінде Егеубаев Қаржы министрлігі Мемлекеттік кіріс комитеті басшысының орынбасарына, 2016 жылдың 21 қазан күні ҚР Ауыл шаруашылығы вице-министрінің атына арыз жазып, азамат Биядиловаға жала жауып, “Бәтуә” ЖШС қызметкерінің беделіне нұқсан келтірген болатын. Бұдан өзге, Егеубаев үндеуін Youtube желісінде жариялаған”, – делінген астаналық сот баспасөз хабарламасында.