Расул Жұмалы: Еркек басымен пакетке сарқыт жинау не сұмдық?
Саясаттанушы Расул Жұмалы соңғы кезде жиі белең алып бара жатқан еркектердің ерсілігін жұртқа жария етіп, елдің пікірін сұрады.
«Бұрындары той мен ас кезінде сарқытты әйел адамдар жинаушы еді. Қазір байқайтыным – кей еркектер де осыны дағдыға айналдырған. Ерсілеу көрінеді екен. Бұл ненің белгісі? Әлде өзім өмірден кеш қалғаным ба?»,
Расул Жұмалының жазбасын оқығандар жарыса өз пікірлерін жазып, көбі тойларда пакет тасып жүретін еркектердің әрекетін ұятқа теңеді.
«Намысы биік қазағымның азаматтары-ау! Неге сонша ұсақталып кеткен?! Ұят қой бұл!.. Ерге сын ғой!.. Еркек басымен аштан келгендей пакетке сарқыт тасыған деген не сұмдық?! Біз қайда барамыз? Не көрінді еркектерге?», «Жалпы ұят қана емес, масқара дүние. Еркек адамның жалмаң қағып пакет көтеріп жүргені несі жақсы дейсіз?» деп ашуға булықты желідегіер.
Дегенмен пікір қалдырушылар арасында тойдан сарқыт алуды қолдайтындар да табылды.
Себебі ысырап болып қалып кеткенше, қуанышты кешке келе алмағандардың дастарханнан дәм татуында тұрған ештеңе жоқ.
Фото: nur.kz
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе