Дәрі-дәрмек неге қымбат?
Жекеменшік дәріханалардағы препараттардың бағасын мемлекет өзі шектеп береді. Енді бұл салада нәпақа тауып отырған кәсіпкерлер дәріге ел бойынша белгіленген ортақ бағадан асырып, құн қоса алмайды.
Бұл туралы КТК хабарлады.
Денсаулық сақтау министрлігі осылайша, алдағы күзден бастап еркімен кеткен бағаны реттеуге кіріспек. Мемлекет бұдан былай дәрі-дәрмектің өңірлерге жеткізілуін де реттеп отырады. Қазір дәрі құнының 25 пайызын жол шығындары құрайды деді министр Біртанов. Мақсат оны 6 пайызға дейін қысқарту. Нәтижесінде республика бойынша препараттардың бағасы біркелкі болмақ.
-Бұған дейін жекеменшік дәріxаналардың баға саясатына араласуға құқығымыз болған жоқ. Енді, арнайы заң жобасын даярладық. Бүгінде аталған құжаттың тұжырымдамасын әзірлеп жатырмыз. Алдағы уақытта оны қоғамдық талқылауға шығарамыз. Күзде заң жобасын Парламентке енгізуіміз керек.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе