Путин қайтер екен. Трамп пен Порошенко дос болып алыпты
Украина президенті Петр Порошенко АҚШ-тың болашақ президенті Дональд Трамппен телефон арқылы сөйлесіп, онымен Қырымның аннексиялануы мен Донбастағы мәселесін талқылағанын мәлімдеді.
Порошенко бұл туралы Украина-Еуропалық одақ саммитінің қорытындылары туралы баспасөз конференциясында айтты. Ол Трамппен болған әңгіменің басқа да тұстарын жариялаған жоқ.
Қырым 2014 жылы наурызда Ресеймен аннексияланды. Қырымда өткізілген “референдумды” әлемнің көптеген елдері, соның ішінде Құрама Штаттар мен еуропалық елдер мойындаған жоқ.
Трамп президент сайлауы алдында Қырымның аннексиясын мойындауы мүмкін екенін мәлімдеп келген еді. Оның айтуынша, бұл мәселеде түбек тұрғындарының да пікірін ескерген жөн. Бұдан бөлек Трамп Ресеймен қарым-қатынасын жақсартуға уәде берген.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз