Жоғалған студенттің мәйіті табылды
Алматы қаласында медициналық университеттің жоғалған студенті Санжарбек Арзиевтің мәйіті табылды деп хабарлайды www.kaz.365info.kz тілшісі Алматы қалалық ІІД сілтеме жасай отырып.
Алмалы аудандық ІІБ бастығы Асқар Болатовтың хабарлауынша, студенттің денесі Есентай өзенінің Рысқұлов даңғылына жақын аумағынан табылған. Мәселенің мән-жайы әлі анықталуда. Санжарбектің өлімі нақты неден болғанын айғақтайтын сот-медициналық сараптамасы тағайындалды.
Мәйітті тек өзендегі су деңгейін қолдан азайтқаннан кейін табу мүмкін болды.
Естеріңізге сала кетейік, 23 жасар азамат 30-сәуірге қараған түні жоғалып кеткен болатын. Бішкектен Алматыға студенттің ата-анасы келді. Санжарбекті іздестіру жұмыстарына арнайы жедел-іздестіру тобы мен 100-ден аса еріктілер жұмылдырылған болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе