“6 жасынан танылған талант”. Көрермендерге кішкентай Димаштың сұқбаты ұсынылды (видео)

Димаш Құдайберген Ақтөбеде ҚР мәдениет қайраткерлері Қанат және Светлана Айтбаевтардың отбасында дүниеге келді. Ол әнші ретінде алғаш рет 6 жасында сахнаға шықты. Фортепианода ойнап, ән салған балақай сол кезде “Айналайын” республикалық байқауының лауреаты атанады. 2010 жылы “Байқоңырдың жез таңдай әншісі” халықаралық фестивалінде І-орын иемденеді. 2012 жылы “Жас қанат” жастар байқауының Гран-при иегері болады. 2015 жылы “Славян базары-2015” халықаралық байқауының да бас жүлдесін жұлып алады.

Ал қазір Қытайдағы кіл кәсіби әншілер байқауында өнер көрсетіп, әлем көрермендерінің жүрегін жаулауда.