Сарыағаштық шекарашылар құны 5 400 000 теңге тұратын контрабандалық заттың және 40 100 АҚШ долларының елден шығуына тосқауыл болды.
Бұл туралы ҚР ҰҚҚ Шекара қызметінің баспасөз қызметі хабарлады.
«Рыбачий – Ташкент» бағытымен кетіп бара жатқан пойыздың вагонынан Өзбекстан Республикасының азаматы ұсталды. Оны ҚР Ұлттық қауіпсіздік комитеті Шекара қызметінің «Оңтүстік» өңірлік басқармасына қарасты Сарыағаш шекара отрядының «Сарыағаш» теміржол көліктерін өткізу бөлімшесінің шекара наряды құрықтады.
Артынша «Қазығұрт» автокөліктерді өткізу бөлімшесінен хабар келді. Ол жердегі шекара наряды елден шығып бара жатқан, жүргізушісі Өзбекстан азаматы, Лексус 570 автокөлігін кеден қызметкерлерімен бірге тексеру кезінде 40 100 АҚШ долларының заңсыз әкетіліп бара жатқандығын анықтаған.
Акт жасалынып, тиісті орындарға тапсырылды.