«Қазақстанның 100 жаңа есімі» жобасына Батыс Қазақстан облысынан қатысатын үміткерлер анықталды. Жалпы өңірлік ұйымдастыру алқасына 305 адамның есімі ұсынылыпты.
Республикалық деңгейдегі сарапшылар солардың арасынан тоғызын іріктеп алған деп хабарлады облыстық әкімдіктің баспасөз қызметі.
Батыс қазақстандық 305 үміткердің бірі – Рада Хайрушева. Ол қамқорлыққа зәру жандарды қолдау мақсатында құрылған қайырымдылық қорына жетекшілік етеді. Оның бұл іспен айналысуына кездейсоқ жайт себеп болыпты.
«Бірнеше жыл бұрын егіз перзентімді дүниеге әкелдім. Сол кезде туа сала тастанды атанған талай сәбиді көрдім. Туған анасы бас тартып, шырылдап жылаған тірі жетімдердің үні менің өмірімнің күрт өзгеруіне себепкер болды. «Рухани жаңғыру» бағдарламасынан туындайтын осындай жоба біздің мемлекетке, біздің қоғамға керек деп ойлаймын. Тек қана 100 емес, 1000, 10 мың, миллион адам болсын, сондай адамдарды біз көрсетуіміз керек. Қайырымды жандарды, жүректері кең, алтын жүрек адамдар бізде өте көп. Қанша болса да ,біздер оны көпсінбей, оларды көрсетейік„ – дейді ол.
«Құрылған 74 топтың құрамында мыңнан астам адам жұмыс істеді. Әр салада жетістікке жеткен жандардың ешқайсысы назардан тыс қалмауына күш салдық», – дейді ұйымдастырушылар.