Алматы облысында өлтірілген үш жігітті қылмыскерлер малдың қиына көміп кеткен.
Бұл туралы бүгін марқұмдардың мәйітін сот-сараптама орталығынан алып шыққан туыстары мәлімдеді, – деп хабарлайды Qamshy.kz.
«Бұл қылмыскерлер де түрмеден шыққан деп жатыр. Үшеуін малдың тезегіне апарып көміп кеткен. Мал өз тезегінің үстіне жатпайды ғой. Бұларды қатаң жазалау керек», – дейді марқұмның туыстары.
Сондай-ақ, жәбірленуші тарап жоғалған азаматтарды іздестіру кезінде полицияның сылбыр қимылдағанын, іздеуге шығатын көліктерінің де болмағанын айтады. Марқұмдардың туыстарының айтуынша, үш азаматты өлтіргендердің нақты саны әзірге белгісіз. Алты адамнан құрылған топтың ісі болуы мүмкін деген де күдік бар.