Бүгін астаналық Ольга Цветкованың үйіне полицейлер келіп, әйелден өздерімен бірге қалалық әкімдікке бару керектігін айтқан. Алайда, оларға есік ашпастан әйел балконға шығып, үстіне бензин құйып, өзін алдаған құрылысшы келмесе, өртенетінін мәлімдеді.
Бұл туралы newtimes.kz хабарлайды.
Әйел ол кезде үстіне бензин құйып, қолына от тұтатқышын ұстап балконда тұрды.
Әйел құрылысшының атынан жазылған қолхатты алды. Онда төраға міндетін орындаушының атынан Қайрат Бодаухан 1 аптаның ішінде аталған ақшаны беруге уәде еткен.
Астана тұрғыны Ольга Цветкованың өзін-өзі өртемек екенін Махамбет Әбжан атты құқық қорғаушы Фейсбуктегі жеке парақшасында кеше жариялады. Оған баспанасыз, отбасынсыз қалған әйел тығырыққа тірелгеннен барған. Ол Астанадағы үлестік құрылысқа 48 мың 300 долларын салған. Алайда құрылыс компаниясы нысанды тұрғызбай, өзін банкрот деп жариялаған.
Бұдан кейін оның күйеуі кетіп қалған. Әйел ақшасын қайтаруға барынша тырысқанмен, онысынан түк шықпаған. Ал банкрот болған құрылысшы компания үстінен қозғалған қылмыстық іс болса, жабылғанға ұқсайды. Мұның барлығы әйелдің шектен тыс амалға баруына итермелеген секілді.