Сәуірде инфляция деңгейі 0,6 пайызды құрады — ҚР Ұлттық банкі

Азық-түлік тауарлары нарығында 2016 жылғы сәуірде орамжапырақтың бағасы 34,1, жарма — 6,5, шай – 4,4, нан — 1,9, макарон өнімдері — 1,2 пайызға қымбаттады.

Ал ақылы қызметтер тобында тұрғын үй-коммуналдық қызметтердің ақысы 0,5 пайызға өскен. Оның ішінде, қоқыс жинау тарифтері 4,7, суық су – 3,5, тұрғын үйді ұстау — 1,6 пайызға көтерілді.

«2016 жылғы қаңтар мен сәуір айлары аралығында инфляция деңгейі 3,6 пайызды қамтыған. Бұл – былтырғы осы кезеңдегі көрсеткіштен 2,4 пайызға артық көлем. Жылдың басынан бастап азық-түлік тауарларының бағасы 3,9 пайызға, азық-түлікке жатпайтын тауарлар — 3,5 пайызға, ақылы қызмет көрсету — 3,5 пайызға өсті», – делінген хабарламада.