Қостанай стансасы ішкі істер желілік бөлімінің ювеналдық полиция қызметкерлері «Солтүстік» жолаушылар тасымалы бойынша аймақтық учаске қызметкерлерімен бірге биылғы оқу жылында 1-ші сыныпқа баратын Касперович Маркті мектепке әзірлеуге көмектесті.
Ел аумағында 2016 жылдың 1 тамызынан бастап 30 қыркүйекке дейін жүргізілмек «Мектепке жол» акциясы жалғасын тауып жатыр деп хабарлады Көліктегі ішкі істер департаментінің баспасөз қызметі.
Мектеп табалдырығын алғаш рет аттайтын Марк, мектепке қажетті заттармен, яғни, мектеп формасы, спорттық киім және аяқ-киіммен қамтамасыз етілді.
– Көп балалы отбасы ретінде, біз балаларымызды мектепке қажет заттармен қамтамасыз ете алмаған болар едік. Сондықтан, осындай шараларды ұйымдастырып, көмек көрсеткен көлік полициясы қызметкерлеріне шексіз алғысымызды білдіргіміз келеді, – деді анасы Марина Касперович.
Қостанай стансасы ІІЖб Әкімшілік полициясы қызметкерлері: «Барлық сыйлықтар «Солтүстік» жолаушылар тасымалы бойынша аймақтық учаскесінің басшысының қолдауымен сатып алынды»,- деп атап өтті.
«Мектепке жол» акциясы аз қамтылған және көп балалы отбасылардан шыққан оқушылар мен олар қатарлы балалар арасындағы барлық әлеуметтік айырмашылықтарды тең қылуға көмектеседі, сондай-ақ, осы акциясы арқасында балалардың полиция қызметкерлеріне сенім деңгейін арттырады.