Жоғалып кеткен 3-сынып оқушысын педофил ұрлап әкетіп зорлаған, кейін буындырып өлтірген
Қарағандыда 9 жасар баланы зорлады және өлтірді деп айыпталған Шахан кентінің 53 жастағы тұрғынына қатысты сот отырысы басталды.
Бұл туралы Қарағанды облыстық сотының баспасөз қызметінен мәлім етті деп хабарлады ҚазАқпарат.
«Басты сот отырысы облыстық қылмыстық істер жөніндегі мамандандырылған сотта басталды. Айыпталушыға адам өлтірумен бірге, сексуалдық сипаттағы зорлық-зомбылық әрекеттерін жасады деген айып тағылып отырғандықтан, сот отырысы жабық режимде өтуде», – деп атап өтті облыстық соттың баспасөз қызметінен.
Еске салайық, ағымдағы жылдың сәуірінде Қарағанды облысының Шахан кентінде 9 жасар бала жоғалды. Оның мәйіті әлеуметке жат өмір салтын ұстанған ер адамның пәтерінен табылды. Ол билік өкілдеріне бағынбағаны үшін бұған дейін де қылмыстық жауапкершілікке тартылған. Полицейлер пәтер иесін адам өлтірді деген күдікпен ұстады.
Қаза тапқан 3-сынып оқушысы көпбалалы жанұяда өскен. Мектептен кейін бала аулаға ойнауға кетіп, қайтып оралмаған. Ата-анасы баланың жоғалғаны туралы полицияға хабарлады.
Жуырда ҚР Бас прокуратурасы елімізде педофилдер көп тіркелген өңірлердің тізімін жариялағатын болатын. Оның ішінде Қарағанды облысы бірінші тұрғанын баса айта кетелік.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе