Бүгін Астанада Жер реформасы жөніндегі комиссияның отырысы өтіп жатыр. Аталған комиссия төрағасы Асқар Мырзахметов отырыстың күн тәртiбiн белгiледi.
Бұл туралы BNews.kz хабарлайды.
– … Күн тәртiбiне үш мәселе шығарылып отыр. Бiрiншiсi, мораторий жарияланып, соған орай заңның қабылдануына байланысты 1-шiлдеден бастап бұрынғы заңнама қайтадан күшiне ендi. Яғни, жалға беру институты қалпына келтiрiлiп отыр. Ал ендi осыған байланысты мәселелердi талқылау қажет.
Екiншi мәселе, шекараға байланысты өткенде комиссия отырысында бiрнеше ұсыныс айтылды. Пайдалануға берiлетiн жер шекарадан қандай қашықтықта болуын анықтау керек. Үшiншi мәселе – жайылым мәселесi. Осы тақырыптың төңiрегiнде дайындалған ұсыныстарды қарап, нақты шешiмдер қабылдауға жақындасақ деп жиналып отырмыз, – дедi Асқар Мырзахметов бүгінгі жер реформасы комиссиясында.
Бұған дейiн комиссияның үш көшпелi отырысы Ақмола, Алматы және Қызылорда облыстарында өткенін баса айта кетелік. Бүгiн комиссия мүшелерi маңызды мәселедердi талқылап алып, келесi аптадан тағы өңiрлерге шығады.