Жазираның жеңісіне бапкерінің көңілі толмады

265 просмотров

Қазақстанның 23 жастағы ауыр атлеті Жазира Жаппарқұл әйелдер арасында 69 килограмм салмақ дәрежесі бойынша Рио олимпиадасының күміс медалін алды. Спортшы бұл жүлдесіне қуанғанымен, бас бапкер Алексей Ни «алтын алатын мүмкіндік болған еді» деп өкінеді.

Бұл туралы Азаттық радиосы хабарлады. 

— Жаппарқұл әлем чемпионатында екі рет күміс алды. Олимпиада да күміс. Өсу жоқ деген сөз. Иә, ол олимпиадада медаль алған алғашқы этникалық қазақ қызы шығар. Бірақ бүгін алтын алатын мүмкіндігін пайдалана алмады. 115 килограмды көтергенде штанганы сүйіп, құдды алтын алғандай қуанды. Үшінші мүмкіндігінде ол 117 килограмды көтеру керек емес пе еді? Жазира жаттығуда 120 килограмды алып жүрген. Қытай атлеті жарақат алып қалды. Онымен күресуге болатын еді. Серпе көтеруде 140 килограмды бірінші шыққанында-ақ көтергенде 145 және 150 килограмға барар едік. Жаттығуда 150 килограмды көтеріп жүрген болатын, — деді бапкер.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.

Загрузка...